قازاقستان رەسپۋبليكاسى باس پروكۋراتۋراسىنىڭ بۇيرىعى  №165 

2015 جىلعى 30 جەلتوقسان, استانا قالاسى «قازاقستان رەسپۋبليكاسى پروكۋراتۋرا ورگاندارىندا, ۆەدومستۆولارى مەن مەكەمەلەرىندە وتىنىشتەرمەن جۇمىستى ۇيىمداستىرۋ جونىندەگى نۇسقاۋلىقتى بەكىتۋ  تۋرالى» قازاقستان رەسپۋبليكاسى باس پروكۋرورىنىڭ 2012 جىلعى 20 قاڭتارداعى № 4 بۇيرىعىنا وزگەرىستەر مەن تولىقتىرۋلار ەنگىزۋ تۋرالى پروكۋراتۋرا ورگاندارىندا جەكە جانە زاڭدى تۇلعالار وتىنىشتەرىن قاراۋدىڭ ساپاسى مەن جەدەلدىگىن ارتتىرۋ ماقساتىندا, «پروكۋراتۋرا تۋرالى» قازاقستان رەسپۋبليكاسى زاڭىنىڭ 11-بابىنىڭ 4), 4-1) تارماقشالارىن باسشىلىققا الىپ, بۇيىرامىن: 1. «قازاقستان رەسپۋبليكاسى پروكۋراتۋرا ورگاندارىندا, ۆەدومستۆولارى مەن مەكەمەلەرىندە وتىنىشتەرمەن جۇمىستى ۇيىمداستىرۋ جونىندەگى نۇسقاۋلىقتى بەكىتۋ تۋرالى» قازاقستان رەسپۋبليكاسى باس پروكۋرورىنىڭ 2012 جىلعى 20 قاڭتارداعى № 4 بۇيرىعىنا (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 7425 بولىپ تىركەلگەن, «كازاحستانسكايا پراۆدا» № 117-118 گازەتىندە 2012 جىلعى 26 ساۋىردە جاريالانعان) مىناداي وزگەرىستەر مەن تولىقتىرۋلار ەنگىزىلسىن: اتالعان بۇيرىقپەن بەكىتىلگەن قازاقستان رەسپۋبليكاسى پروكۋراتۋرا ورگاندارىندا, ۆەدومستۆولارى مەن مەكەمەلەرىندە وتىنىشتەرمەن جۇمىستى ۇيىمداستىرۋ جونىندەگى نۇسقاۋلىقتا: 1-تارماق مىناداي رەداكتسيادا جازىلسىن: «1. قازاقستان رەسپۋبليكاسىنىڭ پروكۋراتۋرا ورگاندارىندا, ۆەدومستۆولارىندا جانە مەكەمەلەرىندە وتىنىشتەرمەن جۇمىستى ۇيىمداستىرۋ جونىندەگى نۇسقاۋلىق (بۇدان ءارى – نۇسقاۋلىق) قازاقستان رەسپۋبليكاسىنىڭ كونستيتۋتسياسىنا, قازاقستان رەسپۋبليكاسىنىڭ 1995 جىلعى 21 جەلتوقسانداعى «پروكۋراتۋرا تۋرالى», «اكىمشىلىك راسىمدەر تۋرالى» 2000 جىلعى 27 قاراشاداعى, «جەكە جانە زاڭدى تۇلعالاردىڭ وتiنiشتەرiن قاراۋ ءتارتiبi تۋرالى» 2007 جىلعى 12 قاڭتارداعى زاڭدارىنا, 2014 جىلعى 4 شىلدەدەگى قىلمىستىق-پروتسەستىك, 2014 جىلعى 5 شىلدەدەگى قىلمىستىق-اتقارۋ, 2015 جىلعى 31 قازانداعى ازاماتتىق پروتسەستىك كودەكستەرىنە, باسقا دا زاڭنامالىق اكتىلەرگە سايكەس ازىرلەندى جانە قازاقستان رەسپۋبليكاسىنىڭ پروكۋراتۋرا ورگاندارىندا, ۆەدومستۆولارىندا, مەكەمەلەرىندە (بۇدان ءارى – ورگاندار) وتىنىشتەردى قاراۋ ماسەلەلەرىن ناقتىلايدى.»; 2-تارماقتىڭ ءبىرىنشى تارماقشاسى مىناداي رەداكتسيادا جازىلسىن: «1) ءوتiنiش - ءوتiنiشتi قارايتىن سۋبەكتiگە نەمەسە لاۋازىمدى تۇلعاعا جiبەرiلگەن جەكە نەمەسە ۇجىمدىق جازباشا, اۋىزشا نە ەلەكتروندىق قۇجات, بەينەكونفەرەنتسبايلانىس, ۇسىنىس, ارىز, شاعىم, ساۋال نەمەسە ءۇن قوسۋ;»; 4,5,6-تارماقتارى مىناداي رەداكتسيادا جازىلسىن: «4. جاسالعان نەمەسە دايىندالىپ جاتقان قىلمىستىق قۇقىق بۇزۋشىلىقتار تۋرالى ارىزدار مەن حابارلامالار, قىلمىستىق ءىس بويىنشا ءوندىرىستى جۇرگىزۋدى جۇزەگە اسىراتىن مەملەكەتتىك ورگاندار مەن لاۋازىمدى تۇلعالاردىڭ ءىس-ارەكەتتەرى مەن شەشىمدەرىنە بەرىلەتىن شاعىمدار قازاقستان رەسپۋبليكاسىنىڭ قىلمىستىق-پروتسەستىك كودەكسىندە (بۇدان ءارى – قپك), سونداي-اق قپك-ءىن قولدانۋ ماسەلەلەرى جونىندەگى قازاقستان رەسپۋبليكاسى باس پروكۋرورىنىڭ (بۇدان ءارى – باس پروكۋرور) نورماتيۆتىك-قۇقىقتىق اكتىلەرىندە كوزدەلگەن تارتىپتە قارالادى. 5. قىلمىستىق ىستەر بويىنشا, سونىڭ ىشىندە جازاسىن وتەۋدەن شارتتى تۇردە مەرزىمىنەن بۇرىن بوساتۋ ماسەلەلەرى بويىنشا, سونداي-اق ازاماتتىق ىستەر جانە اكىمشىلىك قۇقىق بۇزۋشىلىقتار تۋرالى ىستەر بويىنشا سوت اكتىلەرىنە نارازىلىق كەلتىرۋ تۋرالى شاعىمدار مەن قولداۋحاتتار سايكەسىنشە قپك-دە, ازاماتتىق پروتسەستىك كودەكسىندە (بۇدان ءارى – اپك) جانە اكىمشىلىك قۇقىق بۇزۋشىلىق تۋرالى قازاقستان رەسپۋبليكاسىنىڭ كودەكسىندە كوزدەلگەن پروكۋراتۋرا ورگاندارىنىڭ وكىلەتتىكتەرى تارتىپتە جانە شەگىندە قارالادى. 6. قازاقستان رەسپۋبليكاسى پرەزيدەنتى اكىمشىلىگىنەن كەلىپ تۇسكەن وتىنىشتەرمەن جۇمىس جاساۋ ءتارتىبىن 2009 جىلعى 4 ماۋسىمداعى №01-30.13قبپ. قازاقستان رەسپۋبليكاسى پرەزيدەنتى اكىمشىلىگىنىڭ قۇجاتتارىمەن قازاقستان رەسپۋبليكاسىنىڭ مەملەكەتتىك ورگاندارىندا جۇمىس ىستەۋ ەرەجەسىمەن ايقىندالادى.»; 15-تارماق مىناداي رەداكتسيادا جازىلسىن: «15. يەسى بۇركەمەلەنگەن ءوتىنىش, ەگەر مۇنداي وتىنىشتە دايىندالىپ جاتقان نەمەسە جاسالعان قىلمىستىق قۇقىق بۇزۋشىلىقتار تۋرالى نە مەملەكەتتىك نەمەسە قوعامدىق قاۋىپسىزدىككە تونەتىن قاۋىپ تۋرالى مالىمەتتەر قامتىلعان جاعدايلاردى قوسپاعاندا, قاراۋعا جاتپايدى. مۇنداي ءوتىنىش دەرەۋ مەملەكەتتىك ورگاندارعا ولاردىڭ قۇزىرەتتەرىنە سايكەس قاراۋ ءۇشىن جولداۋعا جاتادى.»; 18-تارماقتىڭ ەكىنشى بولىگى مىناداي رەداكتسيادا جازىلسىن: «باس پروكۋراتۋرانىڭ Cاll-ورتالىعىنا كەلىپ تۇسكەن جانە ونىڭ رەگلامەنتى تالاپتارىنا ساي كەلەتىن وتىنىشتەر دەرەۋ باتج-دا تىركەلىپ, قاراۋ ءۇشىن باس پروكۋراتۋرانىڭ وتىنىشتەردى قاراۋ تۋرالى زاڭداردىڭ قولدانىلۋىن قاداعالاۋ جانە ءىس جۇرگىزۋ دەپارتامەنتىنە, تومەنگى تۇرعان پروكۋراتۋرالاردا - وسى جۇمىس جۇكتەلگەن قىزمەتكەرلەرگە جولدانادى.»; 19-تارماقتىڭ ءبىرىنشى بولىگى مىناداي رەداكتسيادا جازىلسىن: «19. باس پروكۋراتۋرانىڭ وتىنىشتەردى قاراۋ تۋرالى زاڭداردىڭ قولدانىلۋىن قاداعالاۋ جانە ءىس جۇرگىزۋ دەپارتامەنتى باس پروكۋراتۋراعا كەلىپ تۇسكەن وتىنىشتەردى باس پروكۋراتۋرا باسشىلىعىنا مالىمدەيدى نەمەسە ماسەلەنىڭ ءمان-جايى بويىنشا باس پروكۋراتۋرانىڭ قۇرىلىمدىق بولىمشەلەرىنە, قولداعى ماتەريالدار مەن قاداعالاۋ ءىس جۇرگىزۋلەرى زەردەلەنە وتىرىپ بەرىلەدى.»; 20-تارماقتىڭ ءبىرىنشى بولىگى مىناداي رەداكتسيادا جازىلسىن: «20. باس پروكۋرورىنا نە ونى اۋىستىراتىن تۇلعانىڭ قاراۋىنا:»; 23-تارماقمىناداي رەداكتسيادا جازىلسىن: «23. باس پروكۋراتۋرانىڭ وتىنىشتەردى قاراۋ تۋرالى زاڭداردىڭ قولدانىلۋىن قاداعالاۋ جانە ءىس جۇرگىزۋ دەپارتامەنتى: 1) باستاپقى وتىنىشتەر, سونىڭ ىشىندە قازاقستان رەسپۋبليكاسى پارلامەنتىنىڭ دەپۋتاتتارىنان, لاۋازىم­دى تۇلعالارىنان (دەپۋتاتتىق ساۋالداردان باسقا), قازاقستان رەسپۋبليكاسى ۇكىمەتىنەن, قاۋىپسىزدىك كەڭەسىنەن, كونستيتۋتسيالىق كەڭەسى مەن جوعارعى سوتىنان, باسقا ورتالىق مەملەكەتتىك ورگانداردان كەلىپ تۇسكەن اقپارات جولداۋدى تالاپ ەتپەيتىن جانە تومەن تۇرعان پروكۋراتۋرالارعا, اۋماقتىلىق نە ۆەدومستۆولىق باعىنىستىلىعى بويىنشا باسقا ۆەدومستۆولارعا جولداناتىن وتىنىشتەردى. باستاپقى وتىنىشتەردىڭ بارلىعى باس پروكۋراتۋراعا تۇسكەن ساتتەن ءۇش جۇمىس كۇنىنەن كەشىكتىرىلمەي ءتيىستى تومەن تۇرعان پروكۋراتۋرالارعا نەمەسە ۆەدومستۆولارعا قاراۋ ءۇشىن جولدانىپ, ول جايىندا ءوتىنىش بەرۋشىگە جازباشا حابارلانادى; 2) وبلىس پروكۋرورىنىڭ, وعان تەڭەستىرىلگەن پروكۋروردىڭ جاۋابى قوسا تىركەلمەگەن تۇلعادان سول ءبىر ماسەلە بويىنشا كەلىپ تۇسكەن قايتالاما وتىنىشتەردى. وبلىس پروكۋرورىنىڭ, وعان تەڭەستىرىلگەن پروكۋروردىڭ جاۋابى قوسا تىركەلمەي كەلىپ تۇسكەن قايتالاما وتىنىشتەر باس پروكۋراتۋراعا كەلىپ تۇسكەن ساتتەن باستاپ ءۇش جۇمىس كۇنىنەن كەشىكتىرمەي ءبىرىنشى باسشىنىڭ نەمەسە ونى اۋىستىراتىن تۇلعانىڭ قولى قويىلىپ, ولاردى قاراۋدىڭ ناتيجەلەرى تۋرالى حابارلاۋدى بەرۋ تالابىمەن ءتيىستى پروكۋراتۋرالارعا قاراۋ جانە جاۋاپ بەرۋ ءۇشىن جولدانادى. ارىزدانۋشى وتىنىشتە وبلىس پروكۋرورىنىڭ نەمەسە ونى اۋىستىراتىن تۇلعانىڭ جاۋابىن العاندىعى تۋرالى كورسەتكەن جاعدايدا, ءوتىنىش الدىن الا باتج-دا جاۋاپتىڭ ءىس جۇزىندە بارى تەكسەرىلگەننەن كەيىن عانا تومەن تۇرعان پروكۋراتۋراعا جولداۋعا جاتادى. ەگەر وبلىس پروكۋرورىنىڭ, وعان تەڭەستىرىلگەن پروكۋروردىڭ نەمەسە ونى اۋىستىراتىن تۇلعانىڭ جاۋابى بار بولسا, ءوتىنىش باس پروكۋراتۋرادا قاراۋعا جاتادى; 3) قپك-ءنىڭ 423, 488-باپتارىنىڭ, اپك-ءنىڭ 441, 436-باپتارىنىڭ تالاپتارىنا سايكەس كەلمەيتىن قىلمىستىق جانە ازاماتتىق ىستەر بويىنشا كاسساتسيالىق نارازىلىق كەلتىرۋ تۋرالى قولداۋحاتتار. ەگەر قىلمىستىق جانە ازاماتتىق ىستەر بويىنشا كاسساتسيالىق نارازىلىق كەلتىرۋ تۋرالى قولداۋحاتتار قپك-ءنىڭ 423, 488-باپتارىنىڭ جانە اپك-ءنىڭ 441-بابىنىڭ تالاپتارىنا سايكەس كەلمەيتىن بولسا, ول تيىسىنشە قپك-ءنىڭ 489-بابىندا, اپك-ءنىڭ 442-بابىندا بەلگىلەنگەن تارتىپكە سايكەس قاراۋسىز كەرى قايتارىلادى. بۇل رەتتە, كاسساتسيالىق نارازىلىق كەلتىرۋ تۋرالى قولداۋحات بەرگەن تۇلعاعا, قولداۋحاتتى كەرى قايتارۋ ءۇشىن نەگىز بولعان كەمشىلىكتەردى جويعاننان كەيىن, باس پروكۋراتۋراعا قايتالاما ءوتىنىش جولداۋ نەمەسە تىكەلەي جوعارعى سوتقا سوت اكتىلەرىن كاسساتسيالىق تارتىپتە قايتا قاراۋ تۋرالى ءوتىنىش بەرۋ قۇقىعى تۇسىندىرىلەدى. اپك-ءنىڭ 436-بابىنىڭ 1-بولىگىمەن جانە قپك-ءنىڭ 487-بابىمەن كوزدەلگەن كاسساتسيالىق نارازىلىق كەلتىرۋ مەرزىمدەرى ءوتىپ كەتكەن سوت اكتىلەرىنە كاسساتسيالىق نارازىلىق كەلتىرۋ تۋرالى قولداۋحاتتار, تيىسىنشە زاڭدى تۇسىندىرە وتىرىپ قاراۋسىز كەرى قايتارىلادى; 4) وتىنىشتەردى قاراۋ جانە جەكە تۇلعالار مەن زاڭدى تۇلعالاردىڭ وكىلدەرىن پروكۋراتۋرا ورگاندارىندا قابىلداۋ ءتارتىبى تۋرالى زاڭنامانى ءتۇسىندىرۋدى تالاپ ەتەتىن وتىنىشتەردى قارايدى. وسى تارماقتىڭ 1), 2) تارماقشالارىنىڭ ەكىنشى بولىكتەرىمەن كوزدەلگەن تالاپتار, باس پروكۋراتۋرانىڭ قۇرىلىمدىق بولىمشەلەرىنە, پروكۋراتۋرانىڭ ۆەدومستۆولارى مەن مەكەمەلەرىنە, وبلىس جانە ولارعا تەڭەستىرىلگەن پروكۋراتۋرالارىنا تۇسكەن, وسىنداي سيپاتتاعى وتىنىشتەرگە قولدانىلادى. ۇلكەن قوعامدىق رەزونانسقا يە بولعان ازاماتتاردىڭ كونستيتۋتسيالىق قۇقىقتارى مەن بوستاندىقتارىن بۇزۋ تۋرالى, مەملەكەتتىڭ, ادامدار توبىنىڭ جانە جەكەلەگەن ازاماتتاردىڭ مۇددەلەرىن قوزعايتىن, ءتۇرلى تەرىس زارداپتارعا اكەپ سوعۋى مۇمكىن ماسەلەلەر بويىنشا, سونداي-اق باس پروكۋروردىڭ جانە ونىڭ ورىنباسارلارىنىڭ تاپسىرمالارى بار باستاپقى وتىنىشتەر باس پروكۋراتۋرانىڭ قۇرىلىمدىق بولىمشەلەرىنە جولدانۋى ءتيىس. وسى وتىنىشتەردى كەيىن قاراۋ ءۇشىن تومەنگى تۇرعان پروكۋراتۋرالارعا جولداۋعا جول بەرىلمەيدى. وسى تارماقشانىڭ 3 جانە 4-تارماقتارىندا كوزدەلگەن تالاپتار پروكۋراتۋرا ورگاندارى مەن مەكەمەلەرىنە, وبلىس جانە ولارعا تەڭەستىرىلگەن پروكۋراتۋرالارىنا تۇسكەن وتىنىشتەرگە قولدانىلادى.»; مىناداي مازمۇنداعى 26-1-تارماقپەن تولىقتىرىلسىن: «26-1. وتىنىشتەردى قاراۋ بويىنشا 19, 21-22, 24-26-تارماقتارىندا كوزدەلگەن تالاپتار پروكۋراتۋرانىڭ ۆەدومستۆولارى مەن مەكەمەلەرىنە كەلىپ تۇسكەن وتىنىشتەرىنە قاتىستى قولدانىلادى.»; مىناداي مازمۇنداعى 53-1-تارماقشامەن تولىقتىرىلسىن: «53-1. سوتقا دەيىنگى تەرگەپ-تەكسەرۋدى جۇزەگە اسىراتىن تۇلعالاردىڭ, پروكۋروردىڭ ءىس-ارەكەتتەرىنە (ارەكەتسىزدىگىنە) جانە شەشىمدەرىنە بەرىلگەن جەكە جانە زاڭدى تۇلعالاردىڭ جاۋاپتارىنا قول قويۋ ءتارتىبى قپك جانە باس پروكۋروردىڭ قپك قولدانۋ ماسەلەلەرى جونىندەگى نورماتيۆتىك قۇقىقتىق اكتىلەرىمەن رەتتەلەدى.»; 54-تارماقتىڭ 3), 4), 5), 6), 7), 8) تارماقشالارى مىناداي رەداكتسيادا جازىلسىن: «3) باس پروكۋراتۋرا قۇرىلىمدىق بولىمشەلەرىنىڭ باسشىلارى نەمەسە ونى اۋىستىراتىن تۇلعالار: باعىنىشتى قىزمەتكەرلەرىنىڭ شەشىمدەرىنە جانە (نەمەسە) ءىس-ارەكەتتەرىنە (ارەكەتسىزدىكتەرىنە) شاعىم بەرۋ تۋرالى, قاناعاتتاندىرۋدان باس تارتۋ تۋرالى شەشىم قابىلدانعان وتىنىشتەردى قوسپاعاندا; ءتۇسىندىرۋ سيپاتىنداعى وتىنىشتەرگە; وسى تارماقتىڭ 1), 2) تارماقشالارىندا كوزدەلگەن جاعدايلاردان باسقا وتىنىشتەرگە جاۋاپ بەرەدى; 4) تارماقشا الىنىپ تاستالسىن; 5) وبلىس پروكۋرورلارى جانە ولارعا تەڭەستىرىلگەن پروكۋرورلار, باس پروكۋراتۋرانىڭ مەكەمەلەرى مەن ۆەدومستۆولارىنىڭ باسشىلارى, نەمەسە ولاردى اۋىستىراتىن تۇلعالار: ولاردىڭ ورىنباسارلارىنىڭ شەشىمدەرىنە جانە (نەمەسە) ءىس-ارەكەتتەرىنە (ارەكەتسىزدىكتەرىنە) شاعىم بەرۋ تۋرالى, ونىڭ ىشىندە, ولاردىڭ ورىنباسارلارىنىڭ قولىمەن جاۋاپ بەرىلگەن الدىڭعى وتىنىشتەرگە قاتىستى ماسەلەلەلەر بويىنشا; قازاقستان رەسپۋبليكاسىنىڭ پرەزيدەنتى اكىمشىلىگىنەن, پارلامەنتىنەن, ۇكىمەتىنەن, باس پروكۋراتۋرادان جانە باسقا ورتالىق ورگانداردان تۇسكەن, قارالۋ ناتيجەلەرى بويىنشا اقپارات جولداۋدى تالاپ ەتەتىن; بۇرىن اۋدان پروكۋرورى نەمەسە وعان تەڭەستىرىلگەن پروكۋرور جاۋاپ بەرگەن الدىڭعى وتىنىشتەرگە قاتىستى; ەگەر قاراۋ ناتيجەلەرى بويىنشا ولاردى قاناعاتتاندىرۋدان باس تارتۋ تۋرالى شەشىم قابىلدانسا; وسى تارماقتىڭ 1) - 3) تارماقشالارىندا كوزدەلگەن جاعدايلاردان باسقا وتىنىشتەرگە جاۋاپ بەرەدى; 6) وبلىس پروكۋرورلارى مەن ولارعا تەڭەستىرىلگەن پروكۋرورلاردىڭ, باس پروكۋراتۋرا ۆەدومستۆولارى مەن مەكەمەلەرى باسشىلارىنىڭ ورىنباسارلارى: وبلىستىق پروكۋراتۋرالاردىڭ جانە ولارعا تەڭەستىرىلگەن پروكۋراتۋرالاردىڭ, باس پروكۋراتۋرانىڭ ۆەدومستۆولارى مەن مەكەمەلەرىنىڭ باعىنىشتى قىزمەتكەرلەرىنىڭ شەشىمدەرىنە جانە (نەمەسە) ءىس-ارەكەتتەرىنە (ارەكەتسىزدىگىنە) شاعىم بەرۋ تۋرالى, قاناعاتتاندىرۋدان باس تارتۋ تۋرالى شەشىم قابىلدانعان وتىنىشتەردى قوسپاعاندا; ءتۇسىندىرۋ سيپاتتاعى; وسى تارماقتىڭ 1) - 5) تارماقشالارىندا كوزدەلگەن جاعدايلاردان باسقا وتىنىشتەرگە جاۋاپ بەرەدى; 7) اۋدان پروكۋرورلارى مەن ولارعا تەڭەستىرىلگەن پروكۋرورلار نەمەسە ولاردى اۋىستىراتىن تۇلعالار: اۋدان پروكۋرورلارى, ولارعا تەڭەستىرىلگەن پروكۋرورلاردىڭ ورىنباسارلارى مەن باعىنىشتى قىزمەتكەرلەردىڭ شەشىمدەرىنە جانە (نەمەسە) ءىس-ارەكەتتەرىنە (ارەكەتسىزدىكتەرىنە) شاعىم بەرۋ تۋرالى; ەگەر قاراۋ ناتيجەلەرى بويىنشا ولاردى قاناعاتتاندىرۋدان باس تارتۋ تۋرالى شەشىم قابىلدانسا; ءتۇسىندىرۋ سيپاتتاعى; وسى تارماقتىڭ 1) - 6) تارماقشالارىندا كوزدەلگەن جاعدايلاردان باسقا وتىنىشتەرگە جاۋاپ بەرەدى; 8) ءوتىنىشتى تىكەلەي شەشەتىن لاۋازىمدى تۇلعا: ءوتىنىشتىڭ قاناعاتتاندىرىلعانى تۋرالى جاۋاپ بەرەدى.»; 7-تاراۋ مىناداي رەداكتسيادا جازىلسىن: «7. وزگە ەرەجەلەر 55. وتىنىشتەردى, دەپۋتاتتىق ساۋالداردى قاراۋ ناتيجەلەرى ءار قۇرىلىمدىق بولىمشە ەسەبىنىڭ نەگىزى بولىپ تابىلاتىن وتىنىشتەر بويىنشا جۇرگىزىلگەن ەلەكتروندىق تىركەۋ كارتوچكاسىندا كورسەتىلەدى. كارتوچكالاردى ورىنداۋشىلار تولتىرادى, ولار كارتوچكادا كورسەتىلەتىن مالىمەتتەردىڭ دايەكتىلىگىنە تولىق جاۋاپتى بەرەدى. وتىنىشتەر بويىنشا ەسەپ بەرۋ – وتىنىشتەر مەن دەپۋتاتتىق ساۋالداردى شەشۋمەن تىكەلەي اينالىساتىن قۇرىلىمدىق بولىمشەلەرگە جۇكتەلەدى. 56. جەكە جانە زاڭدى تۇلعالاردىڭ وتىنىشتەرىمەن جۇمىستىڭ جاي-كۇيىن تالداۋدى باس پروكۋراتۋرانىڭ قۇرىلىمدىق بولىمشەلەرى, پروكۋراتۋرانىڭ ۆەدومستۆولارى مەن مەكەمەلەرى, وبلىس پروكۋراتۋرالارى مەن ولارعا تەڭەستىرىلگەن پروكۋراتۋرالار توقسان سايىن جۇرگىزەدى. تالداۋ ناتيجەلەرى تۋرالى باس پروكۋراتۋرانىڭ وتىنىشتەردى قاراۋ تۋرالى زاڭداردىڭ قولدانىلۋىن قاداعالاۋ جانە ءىس جۇرگىزۋ دەپارتامەنتى تالداناتىن توقساننان كەيىنگى ايدىڭ 5-ىنە دەيىن حاباردار ەتىلەدى. 57. وتىنىشتەرمەن جۇمىس جۇرگىزۋدىڭ ۇيىمداستىرىلۋىنا پروكۋراتۋرا ورگانداردىڭ, ۆەدومستۆولارى مەن مەكەمەلەرىنىڭ ءبىرىنشى باسشىلارى جەكە جاۋاپ بەرەدى. وتىنىشتەردىڭ دەر كەزىندە جانە ساپالى قارالۋىنا, ولارعا جاۋاپ بەرۋ ءتارتىبىنىڭ ساقتالۋىنا, وتىنىشتەر بويىنشا ەسەپتىڭ دۇرىس جاسالۋىنا ءتيىستى باقىلاۋ جاساۋ جاۋاپكەرشىلىگى باس پروكۋراتۋرانىڭ قۇرىلىمدىق بولىمشەلەرى, ورگاندارى, ۆەدومستۆولارى مەن مەكەمەلەرىنىڭ باسشىلارىنا جۇكتەلەدى. وندىرىسىنە ءوتىنىش كەلىپ تۇسكەن لاۋازىمدى تۇلعا ونىڭ ساپالى ءارى دەر كەزىندە قارالۋىنا جەكە جاۋاپ بەرەدى.». 2. وسى بۇيرىقتىڭ ورىندالۋىن باقىلاۋ باس پروكۋراتۋرانىڭ قۇرىلىمدىق بولىمشەلەرىنىڭ, ۆەدومستۆولارى مەن مەكەمەلەرىنىڭ باسشىلارىنا, وبلىستاردىڭ جانە ولارعا تەڭەستىرىلگەن پروكۋرورلارعا جۇكتەلسىن. 3. باس پروكۋراتۋرانىڭ وتىنىشتەردى قاراۋ تۋرالى زاڭداردىڭ قولدانىلۋىن قاداعالاۋ جانە ءىس جۇرگىزۋ دەپارتامەنتىنىڭ باستىعىنا بۇيرىق جولدانسىن: 1) قازاقستان رەسپۋبليكاسىنىڭ ادىلەت مينيسترلىگىنە مەملەكەتتىك تىركەۋ ءۇشىن; 2) باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا; 3) باس پروكۋروردىڭ ورىنباسارلارىنا, باس پروكۋراتۋرانىڭ قۇرىلىمدىق بولىمشەلەرىنە, ۆەدومستۆولارى مەن مەكەمەلەرىنە, باس اسكەري پروكۋرورعا, باس كولىك پروكۋرورىنا, استانا, الماتى قالالارىنىڭ, وبلىستاردىڭ پروكۋرورلارىنا ورىنداۋ ءۇشىن. 4. وسى بۇيرىق العاش رەسمي جاريالانعان كۇنىنەن كەيىن ون كۇنتىزبەلىك كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ باس پروكۋرورى ا.داۋىلباەۆ بۇيرىق قازاقستان رەسپۋبليكاسىنىڭ ادىلەت مينيسترلىگىندە 2016 جىلعى 11 اقپاندا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №13049 بولىپ ەنگىزىلدى.